सर्वोच्च अदालतमा अहिले पनि ३० हजारभन्दा बढी मुद्दा विचाराधीन अवस्थामा छन् । तर प्रधानन्यायाधीशबाहेक अन्य २० न्यायाधीश रहने सर्वोच्च अदालतले समयमै मुद्दाको फर्छ्यौट गर्न नसक्दा वर्षेनी मुद्दाको सङ्ख्या बढिरहेको छ । मुद्दाको सङ्ख्या बढे पनि न्यायाधीशहरुले पूरा समय न्यायालयलाई नदिने समस्या कारण मुद्दाको फैसला झन् झन् धकेलिँदो छ ।
यस्तो अवस्थामा सरकारले सातामा दुई दिन सार्वजनिक बिदा दिने र कार्यालय समय एक घण्टा बढाउने निर्णयसँगै सर्वोच्च अदालतलाई मुद्दा फर्छ्यौटमा थप दबाब परेको छ । तर दबाब बढे पनि न्यायाधीशहरू समयमै इजलासमा बस्ने र पूरा समय इजलासमै बसेर काम गर्छन् कि गर्दैनन् भन्ने चिन्ता थियो ।
अहिले कार्यालय समय बिहान ९ः३० मा खुले पनि इजलास भने त्यसको एक घण्टापछि अर्थात् बिहान १०ः३० बजेदेखि बस्ने व्यवस्था मिलाइएको छ । सर्वोच्च अदालतका प्रवक्ता विमल पौडेलका अनुसार गोला तान्ने काम बिहान ९ः३० मा नै भएपनि इजलास बस्ने समय भने बिहान १०ः३० बजेदेखि साँझ ५ः३० बजेसम्म रहेको छ ।
इजलास बस्ने समयमै सर्वोच्चका न्यायाधीशहरू इजलासमा बसे कि बसेनन् र पूरा समय काम गरे कि गरेनन् भनेर रातोपाटीले मंगलबार बिहान र बेलुका तथा बुधबार बिहान सर्वोच्च अदालतमै पुगेर इजलास बसेको नबसेको बारे अनुगमन गरेको थियो ।
मंगलबार केही न्यायाधीश ढिला इजलासमा, तर पूरा समय इजलासमा
