संसदको सम्भावित कार्यसूची : बजेटमाथि छलफल प्रारम्भ हुने

काठमाडौं : संघीय संसद सचिवालयले प्रतिनिधिसभा बैठकको सम्भावित कार्यसूची सार्वजनिक गरेको छ।

मंगलबार बस्ने बैठकको सम्भावित कार्यसूचीमा दुई वटा एजेण्डा राखिएको छ। पहिलो एजेण्डामा अर्थमन्त्री जनार्दन शर्माले आर्थिक वर्ष २०७९/०८० को राजश्व र व्ययको वार्षिक अनुमानमाथि सामान्य छलफल प्रारम्भ गरियोस् भन्ने प्रस्ताव प्रस्तुत गर्ने उल्लेख छ।

त्यसैगरी दोस्रो एजेण्डामा आर्थिक वर्ष २०७९/०८० को राजश्व र व्ययको वार्षिक अनुमानमाथि सामान्य छलफल प्रारम्भ हुने संसद सचिवालयका महासचिव डा. भरतराज गौतमले जानकारी दिएका छन्।

सरकारले आइतबार संसदमा आगामी आर्थिक वर्षका लागि बजेट प्रस्तुत गरेको थियो। बजेटमाथि भोलि प्रतिनिधिसभामा ११ बजेदेखि छलफल प्रारम्भ हुनेछ। तीन दिनसम्म छलफल हुने सचिवालयले जनाएको छ।