गौरन नरसंहार दोर्याउने दिहिंसात्मक अभिव्यक्ति दिने जसपा नेतृ तथा भौतिक पूर्वाधारमन्त्री रेणु यादवको पद धरापमा परेको छ ।
गौर नरसंहार दोहोराउने र जनमत पार्टीका अध्यक्ष सिके राउतलाई हत्यासम्मको धम्की दिने हिंसात्मक अभिव्यक्ति दिएपछि मन्त्री यादवको पद धरापमा परेको हो । उनको पद धरापमा परेको हो ।
उनलाई मन्त्री पदबाट हटाउन जसपा अध्यक्ष उपेन्द्र यादवलाई दबाब बढेको छ ।
प्रधानमन्त्री शेरबहादुर देउवाले यादवको अभिव्यक्तिप्रति गम्भीरता देखाइसके विश्वस्त स्रोतले जनाएको छ ।
नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादी पार्टीका अध्यक्ष माधवकुमार नेपालले पनि चासो लिएको बुझिएको छ ।
जसपा बरिष्ट नेता डा. बाबुराम भट्टराईले यसबारे चासो लिएको कारण पनि उपेन्द्र यादवलाई मन्त्री यादवलाई हटाउनै पर्ने दबाब बढेको विश्वस्त स्रोतले जनाएको छ ।
सत्तारुढ दल नेपाली काँग्रेसका नेताहरुले नै यादवको राजीनामा मागेका छन् । नेपाली काँग्रेसका उपसभापति धनराज गुरुङले गौर नरसंहार दोहोराउने अभिव्यक्ति दिने यादवलाई पदमा रहने नैतिक अधिकार नभएको बताइसकेका छन् ।
गौर नरसंहार दोहराउने र सिके राउतलाई हत्या गर्ने मन्त्रीको हिंसात्मक अभिव्यक्तिको अहिले चौथपी चर्को आलोचना भइरहेको छ ।
हिजो बुधबार रौतहट सदरमुकाम गौरमा बलिदानी दिवसको अवसरमा आयोजित कार्यक्रमलाई सम्बोधन गर्दै मन्त्री यादवले पदीय मर्यादा विपरीत जनमत पार्टीका अध्यक्ष सिके राउतलाई गौर काण्ड भएकै राइस मिलमा घेरेर हत्या गर्ने चेतावनी दिएकी थिइन् ।
हिन्दी भाषामा भाषण गर्दै फिल्मी शैलीमा उनले भनिन्, ‘तुफानसँग टकराउने प्रयास गर्यो भने त्यहि हालत हुन्छ। जुन गौरको राइस मिलमा भएको थियो। त्यो इतिहासलाई राउतले नभुलुन्। नत्र तपाइँको कार्यकर्ता मारिन्छन् र तपाइलाई पनि घेराबन्दी गरेर मारिदिन्छन्। हत्या हुन्छ। सतर्क रहनुस्।’
७ चैत २०६३ को दिन गौरको राइस मिलमा तत्कालीन माओवादी समर्थित मधेसी राष्ट्रिय मुक्ति मोर्चा र उपेन्द्र यादवले नेतृत्व गरेको तत्कालीन मधेसी जनअधिकार फोरमले एकै स्थानमा छुट्टा छुट्टै मञ्च बनाएर कार्यक्रम गरेका थिए।
कार्यक्रम गर्ने विषयमा विवाद हुँदा भएको झडपमा २७ जनाको हत्या भएको घटनालाई गौर नरसंहार भनेर चिनिन्छ। उक्त घटनामा तत्कालीन माओवादीका २७ जना कार्यकर्ताको हत्या भएको थियो।
Discussion about this post