मल उपलब्ध गराउन सरकार असफल,किसान समस्यामा परे : हृदयेश त्रिपाठी

काठमाडौं । सांसद हृदयेश त्रिपाठीले मलको अभावका कारण किसानहरु समस्यामा परेको भन्दै  सरकारको ध्यानाकर्षण गराएका छन्।

प्रतिनिधिसभाको बिहीबारको बैठकमा विशेष समय लिएर बोल्दै उनले मल उपब्ध गराउन सरकार असफल भएको र किसान समस्यामा परेको बताए।

अहिलेको बजेट निबन्ध मात्रै भएको टिप्पणी गर्दै त्रिपाठीले सरकारले कृषि उत्पादनको लक्ष्य हाँसिल गर्न नसक्ने धारणा राखे। उनले मलको अभाव कायमै रहे यस वर्ष धानको उत्पादन घट्ने उल्लेख गरे।

उनले घुमुवा प्रहरीले विचौलिकाको काम गरिरहेको बताए । यस्तै, उनले बर्दियामा बाघको आक्रमणबाट जोगिन स्थानीयले गरेको आन्दोलनमा प्रशासनको हस्तक्षेप गलत भएको बताए।