रुकुम, असार ६ गते । रुकुम पश्चिमको त्रिवेणी गाउँपालिकामा भिरबाट लडेर १७ वर्षीया एक किशोरीको मृत्यु भएको छ ।
त्रिवेणी गाउँपालिका–१ रुँघाकी अस्मिता चन्दको आइतबार घर नजिकैको भिरबाट लडेर मृत्यु भएको हो । स्थानीय दिव्यचक्षु स्कुल नजिकैको भिरबाट लडेर उनको मृत्यु भएको प्रहरीले जनाएको छ ।
त्रिभुवन जनता मावि मुसिकोट खलंगामा कक्षा ११ मा अध्ययनरत अस्मिता फोहोर फाल्न गएको बेला भिरबाट लडेकी अभिभावकले बताएका छन् । नेपालखबर
