मोरङ, असार १५ गते । मोरङको रंगेली नगरपालिका–७ मा स्कुल बसको ठक्करबाट १ जनाको मृत्यु भएको छ भने एक घाइते भएका छन्।
मंगलबार दिउँसो साढे ३ बजे माउन्टेन मकालु बोर्डिङ स्कुलको को. १ क ११३० नम्बरको बसले स्कुलको गेट अगाडि सोही स्कुलका ४ बर्षीय रितिक मण्डल र बर्षीया सुनम कुमारी मण्डललाई ठक्कर दिएको थियो ।
बसको ठक्करबाट घाइते भएका दुबै जनाको तत्काल उपचारको लागि टाईम्स अस्पताल रंगेली लगिएको थियो । रितिकको अस्पतालमा पुर्याउनका साथ मृत्यु भएको थियो । सुनमको बिराटनगर स्थित न्युरो अस्पतालमा थप उपचार भइरहेको छ। घटना सम्बन्धमा इलाका प्रहरी कार्यालय रंगेलीबाट थप अनुसन्धान भइरहेको छ । रासस
