काठमाडौं। नेकपा एमाले अध्यक्ष केपी शर्मा ओलीले सत्ता गठबन्धन देशका लागि अभिशाप भएको बताएका छन् । सोमबार संसदमा बोल्दै अध्यक्ष ओलीले राजनीतिक, राष्ट्रियता, अर्थतन्त्रका हिसाबले यो गठबन्धन अभिशाप भएको बताए।
‘यो गठबन्धन यो देशका लागि अभिषाप हो । किसानले मल पाउँदैनन् । सेयर बजारमा निकै समस्या छ । सरकार गठबन्धन टिकाउने संकल्पमा मात्रै छ ,’उनले भने,’ स्वास्थ्य विमा कार्यक्रमलवाई समाप्त पार्दै लगिएको छ । ’
अध्यक्ष ओलीले आफ्ना स्वार्थहरुको खेती गर्ने ठाउँ हो यो देश ? भन्दै सरकारसँग प्रश्न गरे । गठबन्धनले देशको हित हुने गरी कुनै काम नगरेको बताए । ओलीले भने, ‘वर्तमान सरकार जनताको हितमा काम गर्दैन । स्वार्थले जगडिएको छ । ’
