२३ असार, काठमाडौं । काठमाडौं उपत्यका (काठमाडौं ललितपुर र भक्तपुर)को सुरक्षा व्यवस्था केन्द्र मातहत नै रहने भएको छ । तर केन्द्रले प्रदेश प्रहरीको समन्वयमा काम गर्नुपर्ने छ ।
नेपाल प्रहरी र प्रदेश प्रहरी कार्य सञ्चालन सुपरीवेक्षण र सम्बन्ध ऐन २०७६ लाई संशोधन गर्न बनेको विधेयक राज्यव्यवस्था समितिबाट पारित भएको छ । विधेयकको प्रस्ताव तयार पार्दा नै काठमाडौं, ललितपुर र भक्तपुरको सुरक्षा नेपाल प्रहरीकै मातहत रहने व्यवस्था थियो ।
यसमा ‘नेपाल प्रहरीले प्रदेश प्रहरीको समन्वयमा कार्य गर्नेछ’ भन्ने वाक्यांश थपेर समितिले पारित गरेको छ । समितिको बैठकमा गृह मन्त्रालयका सचिव टेकनारायण पाण्डेले नेपाल प्रहरीको कार्य प्रदेश प्रहरीलाई पनि जानकारी हुने बताए ।
