चन्द्रागिरीबाट लागुऔषध सहित एकजना पक्राउ

काठमाडौं । चन्द्रागिरी नगरपालिका-२ नागढुङ्गाबाट लागुऔषध एकजना पक्राउ परका छन्।

महोत्तरी सग्रामपुर गाउँपालिका-२ बस्ने १९ वर्षीय विवेक कुमार यादवलाई  ७ सय एम्पुल डाइजेपाम, ७ सय एम्पुल नुफिन र ७ सय एम्पुल फेनारगनसहित आइतबार बिहान प्रहरीले पक्राउ गरेको हो।

महोत्तरीको गौशालाबाट काठमाडौंतर्फ आउँदै गरेको बा.४ ख ५१४४ नम्बरको बसलाई प्रहरी प्रभाग नागढुङ्गा र लागुऔषध नियन्त्रण व्युरोको संयुक्त प्रहरी टोलीले जाँच गर्ने क्रममा बसमा सवार उनलाई उक्त लागुऔषधसहित फेला पारी पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।