शुभ नारायण यादव-
सप्तरी, साउन १ गते । सप्तरीमा एक घरमा आगलागी भएर ग्यास सिलिण्डर पड्किँदा जलेर तीनजना गम्भीर घाइते भएका छन् ।
बोदे बर्साइन नगरपालिका वडा न.–१० खडगपुरका खगेन्द्र यादवको घरमा आगलागी भएको हो। आगलागीका क्रममा ग्यास सिलिन्डर पड्किँदा तीन जना गम्भीर घाइते भएका हुन्। आगो नियन्त्रणमा लिने प्रयासमा रहेका स्थानीय कारी दास, महेश यादव र धीरेन्द्र यादव घाइते भएको सप्तरी प्रहरीले जनाएको छ।
घरमा रहेका ठूलो र सानो गरी तीन वटा सिलिन्डर पड्किएको हो । आगलागीमा खगेन्द्रको घर र छिमेकी वीरेन्द्र यादवको परालको टाली जलेर नष्ट भएको छ। खगेन्द्रको घरमा रहेको नगद एक लाख ५० हजार, तीन तोला सुन, तीन किलो चाँदी, आठ क्विन्टल चामल, २० क्विन्टल धान, एक क्विन्टल चना, ४० किलो तोरी एक थान साइकल र सिलिण्डरलगायत सामान जलेर नष्ट भएको जिल्ला प्रहरी कार्यालय सप्तरीले जनाएको छ ।
Discussion about this post