लागुऔषधसहित २२ जना पक्राउ, तरकारीको बोरामा समेत बरामद

काठमाडौं : प्रहरीले लागुऔषध खैरो हेरोइन तथा नियन्त्रित लागुऔषध डीयलेक्स-डीसीसहित २२ जनालाई पक्राउ गरेको छ।

प्रहरीको लागु औषध नियन्त्रण व्युरोले लागुऔषध हेरोइन ४५९ ग्राम, आगुऔषध डीयालेक्स-डीसी (१०० एमएल) ११८० बोतल, लागुऔषध नाइट्राभेट ट्याब्लेट १२६० थान, प्रोक्सीभन क्याप्सुल १५० थान नियन्त्रणमा लिएको हो।

पक्राउ पर्नेहरुमा तुलसा खड्का, युवराज खड्का, किशोर चौलागाईँ, मानबहादुर तामाङ, बुद्धबहादुर बोम्जनलगायत छन्। व्युरोका प्रवक्ता प्रहरी उपरीक्षक योगेन्द्रकुमार खड्काले उनीहरुलाई लागुऔषध (नियन्त्रण) ऐन २०३३ बमोजिम मुद्दा र नियन्त्रित लागुऔषध मुद्दामा म्याद थप गरी अनुसन्धान कार्य भइरहेको बताए।

नियन्त्रण लिइएको लागुऔषधमध्ये ११८० बोतल डीयालेक्स-डीसी (१०० एमएल) ६ वटा तरकारीको बोराभित्र भेटिएको थियो।