काठमाडौं : प्रहरीले सुनसहित दुई जनालाई पक्राउ गरेको छ। दुबईबाट नेपाल आएका विवेक तिम्सिना र साजन श्रेष्ठलाई सुनसहित पक्राउ गरेको विमानस्थल प्रहरीले जनाएको छ।
दुवै जना ८०-८० ग्रामको सुनसहित पक्राउ परेका हुन्। ‘नेपाल एयरलायन्सको उडानद्वारा दुबईबाट काठमाडौं आगमन भएका यात्रुहरुको गतिविधि शंकास्पद् देखिएकाले विमानस्थल प्रहरीले नियन्त्रणमा लिई चेकजाँच गर्दा बेरुवा औँठीहरु अवैधरुपमा लुकाई छिपाई भन्सार छली गरी लैजान लागेको अवस्थामा फेला परिएको हुँदा अनुसन्धान र कारबाहीका लागि विमानस्थल भन्सार कार्यालय गौचरमा बुझाइएको छ,’ प्रहरीले जारी गरेको विज्ञप्तिमा भनिएको छ।
