चिकित्सा शिक्षा र स्वास्थ्य क्षेत्रमा सुधारको माग गर्दै नौ दिनदेखि अनसनरत डा. गोविन्द केसीले काठमाडौं आउन अस्वीकार गर्नु भएको छ।
अनशनका कारण स्वास्थ्य अवस्था गम्भीर भएपछि नेपाल सरकारको निर्णयमा थप उपचारका लागि उहाँलाई मङ्गलबार काठमाडौं ल्याउने प्रयास गरिएको थियो। तर, केसीले काठमाडौं आउन नमानेको उहाँका सहयोगी डा. अमृत जैसीले जानकारी दिनुभयो।
डा. केसीले काठमाडौं आउन अस्वीकार गरेपछि उहाँलाई लिन गएको नेपाली सेनाको स्काइ ट्रक फर्किएको हो। नेपाल सरकारले उहाँलाई लिनका लागि मंगलबार स्काइ ट्रक पठाएको थियो। आमरण अनशरत डा. केसी काठमाडौं जान नमानेपछि स्काइ ट्रक फिर्ता गएको जिल्ला प्रशासन कार्यालयका सूचना अधिकारी शिवराज जोशीले जानकारी दिनुभयो।
Discussion about this post