आइतबार सुर्खेतको बसपार्क अगाडि बसको ठक्करबाट महिलाको मृत्यु भएपछि आफन्तहरुले आन्दोलन थालेका छन् । बसको ठक्करबाट जाजरकोटको छेडागाड नगरपालिकाकी ६६ वर्षीय नदी रावतको मृत्यु भएको हो ।
उचित क्षतिपूर्ति र सवारी चालकलाई हदैसम्मको कारबाहीको माग राख्दै आफन्तहरुले यरिचोक, बसपार्क अगाडि, मंगलगढी चोक, एयरपोर्ट चोकमा टायर बालेर सडक अवरुद्ध गरेका छन् ।
आफन्तहरु आन्दाेलनमा उत्रिएपछि सुर्खेत बसपार्कबाट छुट्ने छोटो तथा लामो दुरीका सवारी साधन ठप्प भएका छन् । दुर्घटनामा मृत्यु भएकी रावत हाल वीरेन्द्रनगर नगरपालिका वडा नम्बर १० बामेखाेलामा बस्दै आएकी थिइन् । प्रहरीले दैलेखको भैरवी–५ घर भइ हाल वीरेन्द्र नगरपालिका–३ बस्ने ३३ वर्षीय चालक खगेन्द्रप्रसाद रिजाललाई प्रहरीले आइतबार राति नै नियन्त्रणमा लिएर अनुसन्धान थालेको छ ।
Discussion about this post