सन् २०२६ सम्म सुक्खा सिजनमै पनि विद्युत्‌मा आत्मनिर्भर हुन्छाैं : कुलमान घिसिङ

उनले भने ‘अहिले सञ्चालित आयोजनाको २५ सय ४४ मेगावट उत्पादन क्षमता छ । यसमा सोलार ७० मेगावट छ । प्रत्येक वर्ष ८ सय मेगावट विद्युत उत्पादन बढ्दै गएको छ । पछिल्लो पाँच वर्ष ७ हजार मेगावट विद्युत् उत्पादन गर्ने अनुमान छ ।’ सन् २०२६ सम्म सुक्खायाममा पनि मुलुक विद्युत्‌मा आत्मनिर्भर भई २५ सय मेगावट विद्युत् बढी हुने उल्लेख गरे ।

उनले सन् २०३५ सम्ममा नेपालमा ८ हजार मेगावट विद्युत् उत्पादन क्षमता पुग्ने अनुमान प्राधिकरणको रहेको बताए । निर्देशक घिसिङले सन् २०४२/४३ सम्ममा २० हजार मेगावट विद्युत् उत्पादन क्षमता पुग्ने अनुमान गरे । उनका अनुसार हालसम्म ११ हजार मेगावट जलविद्युत् उत्पादनका लागि पीपीएको पाइपलाइनमा रहेको छ । त्यस्तै ७ हजार मेगावटको पीपीए भइसकेको छ । जसमध्ये ८ सय मेगावट विद्युत् उत्पादन भएर आइसकेको उनले बताए । उनले जलविद्युत् उत्पादनको लागि नयाँ नयाँ प्रोजेक्टहरु बनाउनको लागि अहिले प्राप्त भएको लगानी प्रतिवद्धताले मात्रै अपुग हुने बताए ।