ढाका । बंगलादेशमा देशद्रोहको आरोपमा पक्राउ परेका हिन्दु धार्मिक नेता इस्कॉनका पुजारी चिन्मय कृष्ण दास एक महिना जेलमा बस्नुपर्ने भएको छ ।
बंगलादेशको अदालतले उनको जमानत याचिकामाथिको सुनुवाई अर्को महिनासम्मका लागि स्थगित गरेको छ । वास्तवमा जमानत याचिका मंगलबार अर्थात ३ डिसेम्बर २०२४० मा सुनुवाइ हुनु पर्ने थियो तर सुनुवाईको लागि कुनै पनि वकिल अदालतमा उपस्थित भइ दिएनन् ।
यसअघि इस्कॉनले चिन्मय कृष्णदासको पक्षमा रहेका बंगलादेशी वकिललाई इस्लामिक कट्टरपन्थीहरूले आक्रमण गरी गम्भीर घाइते भएको दाबी गरेको थियो। उनी अहिले आईसीयूमा छन् ।
सो हमलापछि वकिलहरूले मंगलबार जमानतको सुनुवाईमा उपस्थित हुन अस्वीकार गरेपछि चटगाउँ अदालतले सुनुवाई स्थगित गर्नु परेको थियो। अदालतले अर्को सुनुवाईको मिति जनवरी २, २०२५ तोकेको छ।
बंगलादेशी दैनिक द बिजनेस स्ट्यान्डर्डका अनुसार बंगलादेश समिता सनातनी जागरण जोतले चिन्मय कृष्ण दासको जमानत सुनुवाईमा उपस्थित हुनबाट रोक्न करिब ७० हिन्दू वकिलहरू विरुद्ध झूटा मुद्दा दायर गरिएको आरोप लगाएको छ। चिन्मय दासको पक्षमा बहस गर्न नपरोस् भनेर चटगाउँको कोतवाली प्रहरी चौकीमा विस्फोटक पदार्थ ऐन अन्तर्गत दर्ता भएको मुद्दामा वकिललाई कारबाही भइरहेको संगठनले जनाएको छ ।
इस्कॉन कोलकाताका प्रवक्ता राधारमण दासले ट्विटरमा एक पोस्टमा भने, ‘कृपया अधिवक्ता रामेन रायको लागि प्रार्थना गर्नुहोस्। उनको एउटै अपराध अदालतमा चिन्मय कृष्ण प्रभुको रक्षा गर्नु थियो। इस्लामवादीहरूले उनको घरमा तोडफोड गरे र निर्मम आक्रमण गरे र उनलाई आईसीयूमा आफ्नो जीवनको लागि लड्दै छोडे।’ यद्यपि, बंगलादेशका धेरै वकिलहरूले त्यस्तो कुनै घटना नभएको भन्दै अस्वीकार गरेका छन्।
Discussion about this post