विरगंज, पर्सा । आम जनता पार्टीको आयोजनामा आज पर्साको प्रमुख शहर विरगंजमा भ्रष्टाचार विरुद्धको खबरदारी सभा सम्पन्न भएको छ ।
सभालाई सम्बोधन गर्दै आजपा अध्यक्ष प्रभु साहले भने, भ्रष्टाचारीहरुलाई तह लगाउन अब जनस्तरबाटै प्रतिवाद जरूरी छ । अहिले नेपालमा भ्रष्टाचार एउटा प्रमुख समस्या बनेको छ । जसले सुशासन, विकास र जनताको विश्वासलाई समेत कमजोर बनाउँदै आएको छ । देशको चोर र भ्रष्ट नेताहरुलाई तह लगाउन आम जनता अगाडि आउनैपर्ने बेला भएको छ । ईतिहास साक्षी छ, जनताको शक्ति न विगतमा कमजोर थियो, न वर्तमानमा कमजोर छ, न भविष्यमा कमजोर हुनेछ । यसका लागि हामी सबै ईमान्दार, प्रगतिशिल र देशभक्त शक्तिहरु एकजुट हुनपर्ने बताएका छन् । “
उनले भने, सरकारको नेतृत्व गर्नेदेखि लिएर शासन प्रशासनको प्रमुख पद एवं जिम्मेवारीमा रहेकाहरू नै आज भ्रष्टाचारमा चुर्लुम्म डुबेको छ । भ्रष्टाचार नियन्त्रणका जिम्मेवारी पाएकाहरूकै मिलेमतोमा पनि खुलमखुला भ्रष्टाचार भइरहेको छ । यसलाई समयमै रोक्न जरूरी छ ।
अध्यक्ष साहले, देशमा बढदो भ्रष्टाचार, अस्थिरता र कुशासनको मुल जड वर्तमान राजनीतिक प्रणाली र व्यवस्थ नै रहेकोले यसमा टालटुल गर्नुभन्दा पनि यसलाई बदल्न नै जरूरी रहेको जिकिर गर्दै, भ्रष्टाचारविरुद्धको लडाईमा सबैलाई एकजुट हुन आह्वान समेत गरे ।
उनले, विरगंजलाई देशको आर्थिक राजधानीका रूपमा विकास गर्नुपर्ने माग गर्दै विरगंजलगायत तराई मधेशको अन्य भूभागसँग ओली सरकारले सौताको व्यवहार गरिरहेको आरोप समेत लगाएका छन् । काठमाडौँ प्रशासनिक राजधानी हुने, पोखरा पर्यटकीय राजधानी हुने तर वीरगञ्ज आर्थिक राजधानी किन नहुने? हामीले वीरगञ्जलाई जसरी पनि आर्थिक राजधानी घोषणा गराएरै छाड्ने छौँ,’ ‘यदि वीरगञ्जलाई आर्थिक राजधानी घोषणा गरिएन र सरकारको लुटकारी एवं विभेदकारी व्यवहारमा सुधार नआएँ प्रभु साह र आम जनता अब चुप लागेर नबस्ने चेताबनी साहले दिएका छन् ।
आजपाले भ्रष्टाचार, सरकारको मनोमानी कर आतंक, वैदेशिक रोजगारमा भइरहेको ठगी, भन्सार कानुनमा रहेको लुटकारी व्यवस्था एवं दलाल दलतन्त्रविरुद्ध आवाज उठाउँदै आएको छ ।
Discussion about this post