पाकिस्तानले ‘इरानको आग्रहमा’ संयुक्त राष्ट्र सुरक्षा परिषद्को आपतकालीन बैठक बोलायो

काठमाडौं । पाकिस्तानका विदेशमन्त्री इशाक दारले इरान र इजरायलबीच बढ्दो तनावको सम्बन्धमा संयुक्त राष्ट्र सुरक्षा परिषद्को बैठकको बारेमा जानकारी दिएका छन्।

उनले सामाजिक सञ्जाल प्लेटफर्म एक्समा एक पोस्टमा यो जानकारी दिएका छन् ।

विदेशमन्त्रीले लेखे, “इरानको अनुरोधमा, आज न्यूयोर्क समय अनुसार दिउँसो संयुक्त राष्ट्र सुरक्षा परिषद्को आपतकालीन बैठक बोलाइएको छ।”

इशाक दारका अनुसार यो बैठक इरानले अनुरोध गरेको हो र यसमा पाकिस्तान, चीन र रुसको समर्थन छ।

अमेरिकाले आइतबार बिहान इरानको फोर्डो, नातान्ज र इस्फहानस्थित आणविक स्थलहरूमा आक्रमण गरेको थियो। त्यसपछि इरान र इजरायलबीच द्वन्द्व थप फैलिने खतरा छ।