इरानमा सत्ता परिवर्तन आफ्नो इच्छा नभएको ट्रम्पको भनाइ

काठमाडौं । अमेरिकी राष्ट्रपति डोनाल्ड ट्रम्पले इरानमा सत्ता परिवर्तनप्रति प्रतिक्रिया दिएका छन्। नेदरल्याण्ड्सको हेगमा नेटो शिखर सम्मेलनमा जाँदै गर्दा उनले एयर फोर्स वनमा पत्रकारहरूसँग कुरा गरे।

जब पत्रकारहरूले राष्ट्रपति ट्रम्पलाई सोधे ‘के तपाईं इरानमा शासन परिवर्तन हेर्न चाहनुहुन्छ?’ जवाफमा ट्रम्पले भने, “होइन, म त्यो चाहन्न। म चाहन्छु कि सबै कुरा सकेसम्म चाँडो शान्त होस्।”

“सत्ता परिवर्तनको लागि अराजकता चाहिन्छ र आदर्श रूपमा हामी त्यति धेरै अराजकता हेर्न चाहँदैनौं,” ट्रम्पले भने।

इरान र इजरायलबीचको द्वन्द्व सुरु हुँदा अमेरिकी राष्ट्रपति ट्रम्पले इरानका सर्वोच्च नेता अयातोल्लाह अली खामेनीको बारेमा भनेका थिए, “हामी उनलाई हटाउने छैनौं, कम्तिमा अहिले त होइन।”