लहान ९ पुस – देशको हरेक निकाय अपांग मैत्री हुनु पर्नेमा सरोकारवालाहरुले जोड दिएका छन्।लहानमा आयोजित मानसिक स्वस्थ्य,अपांग सम्बन्धि नीति, रणनीति,कार्ययोजना,वकालत तथा पैरवी वारे लहान नगरपालिकासंग समन्वात्मक बैठकमा सहभागी सरोकारवालाहरुले यस्तो अवाज निकालेका छन्।
सि बि एम को आर्थिक सहयोग र सि एम सी नेपालको प्राविधिक सहयोगमा सञ्चालित कार्यक्रमका प्रमुख अतिथि, लहान नगरपालिकाका उपप्रमुख रामचलितर महतो रहनु भएको थियो।उप प्रमुख महतोका अनुसार वास्तवमा लहान नगरपालिकाको भवन अपांग मैत्रि नभएको स्वीकार गर्दै अवको आउने दिनमा विस्तारै विस्तारै त्यस तर्फ पनि हामी ध्यान केन्द्रित गर्ने बताए।
कार्यक्रममा सहभागी ज्ञान महतोका अनुसार हाल सिरहामा कुनै पनि पालिका अपांग मैत्रि नभएको गुनासो गरे। अहिलेसम्म जिल्लामा अपांगको सहि डाटा समेत नभएको र सो डाटा संकलनको लागि पालिकाहरुलाई केहि मात्रामा बजेट विनियोजन गर्न समेत आग्रह गरेका छन्। साथै भकभके र मानसिक रोगी (पागल) लाई पनि अपांगमा समावेस गर्नु पर्र्नेमा जोड दिएका थिए।
त्यस्तै अर्का सहभागी शम्भु यादव नेपालीका अनुसार क ख वर्गका अपांगले पाइ राखेको सुविधालाई मध्य नजर गर्दै ग र घ वर्गका अपांगहरुलाई पनि केहि मात्रामा भता उपलब्ध भई दिएको भए केहि राहत हुने थियो।
कार्याक्रममा लहान नगरपालिकाका स्वास्थ्य शाखा प्रमुख जगदिश मण्डल,सि एम सि नेपालका रेखा चौधरी,पत्रकार महेश सिहं र शम्भु चौधरी लगायतले मन्तब्य राखेका थिए।
अपांग पुनस्र्थापना केन्द्र लहान सिरहाका अध्यक्ष संजय अग्रवालको अध्यक्षतामा कार्यक्रम सम्पन्न भएको थियो।
Discussion about this post