काठमाडौं, असोज २२ — सामाजिक अभियन्ता अशोक कुमार खड्काले हालै GEN-Z पुस्ताले गरेको आन्दोलनको उपलब्धि दिशाविहीन र नियन्त्रण बाहिर गई देशभर “लेन्डुपहरू जन्मिन खोज्दैछन्, हामी सबै मिलेर जन्माउन बल पुर्याउँदै छौं, हेर्दा हेर्दै ‘जय हिन्दुस्तान’ भन्ने दिन नआओस्, होस् गरौँ” भन्ने अभिव्यक्तिलाई राष्ट्रप्रेम र स्वाधीनताको चेतावनीको प्रतीक भएको सामाजिक संजाल मार्फत बताउनुभएको छ।
खड्काका अनुसार, यो वाक्य कुनै व्यक्ति वा दलप्रति होइन, नेपालको स्वाधीनता र नीति-निर्णयमा देखिँदै गएको विदेशी प्रभावप्रति असन्तोष र चेतावनी स्वरूप हो।
खड्काले भन्नुभयो — भू-राजनीतिक संवेदनशिलता र नागरिक चेतना आजको अवश्यकता हो “नेपाल दुई ठूला देशबीचको संवेदनशील भू-राजनीतिक क्षेत्रमा छ। अहिले हामी हेरिरहेको कुरा केवल राजनीतिक प्रतिस्पर्धा होइन, स्वाभिमानको संघर्ष हो। ‘लेन्डुप मानसिकता’ भनेको आफ्नै देशको स्वार्थ त्यागेर बाह्य स्वार्थका लागि झुक्ने सोच हो, जसबाट नेपालले सदाको लागि बच्नुपर्छ।”
खड्काका अनुसार, पछिल्ला राजनीतिक र कूटनीतिक घटनाक्रमले राष्ट्रको नीति निर्माणमा स्वतन्त्र निर्णय क्षमतामाथि प्रश्न उठाएको छ।
“आफ्नो स्वाभिमान भन्दा ठूला विदेशी आदेशहरूलाई प्राथमिकता दिने प्रवृत्ति बढ्दैछ। यो प्रवृत्ति रोकिएन भने ‘जय नेपाल’को ठाउँमा ‘जय हिन्दुस्तान’ भन्ने दिन टाढा छैन,” — खड्काको चेतावनी।
“नेपाललाई अरूले होइन, हामी आफैले कमजोर बनाउँछौं। त्यसैले होस् गरौँ, देशप्रेमलाई व्यवहारमा उतारौँ।”
Discussion about this post