बारा, भदौ २७ गते ।
बाराको निजगढमा बस दुर्घटना हुँदा एक जनाको मृत्यु भएको छ भने १५ जना यात्रुहरू घाइते भएका छन्।
मंगलबार लोकमार्ग अन्तर्गत निजगढ नगरपालिका ८ धनसारपुलस्थित मलंगवाबाट नारायणघाटतर्फ जाँदै गरेको म प्र ०३–००१ ख ९३९६ नम्बरको बस दुर्घटना भएको थियो ।
दुर्घटनामा परी सर्लाहीको कबिलासी बस्ने ५३ वर्षीय रामकेवल रायको मृत्यु भएको बाराका प्रहरी प्रवक्ता प्रहरी नायव उपरीक्षक दधिराम न्यौपानेले जानकारी दिए।
यस्तै, बसमा सवार भएका १५ जना यात्रु घाइते भएको उनले बताए।
बसका चालक, सहचालक र कन्डकटर प्रहरीको नियन्त्रणमा रहेको तथा घटनाको समबन्धमा थप अनुसन्धान भइरहेको प्रहरीले जनाएका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
Discussion about this post