राजविराज। राष्ट्रिय एकता अभियानका बरिष्ठ नेता विपी यादवले पोष्टर घट्नामा अभियाको कुनै संलगनता नभएको बताएका छन् ।
उनले जनकपुरबाट राष्ट्रिय एकता अभियानका केही नेता तथा कार्यकर्ता लाई प्रहरीले पक्राउ गरेको प्रति ध्यानकर्षण भएको जनाउँदै उनीहरुको रिहाईको माग समेत गरेका हुन् ।
लोसपाका केन्द्रिय सदस्य समेत रहेका यादवले शुक्रबार प्रेस विज्ञप्ति जारी गरी ‘संघीय सरकारको गृहमन्त्रीको निर्देशनमा जनकपुरबाट मनिष पुर्बे, पंकज झा र बिरगंजबाट उदय रौनियार र नवीन भट्टराई लाई प्रहरीले शंकाको भरमा पक्राउ गरेर थुनामा राखेकोले उनीहरुको रिहाईको माग गरेको हो ।
मधेसको भु–भागमा केही दिन देखि प्रधानमन्त्री पुष्पकमल दहाल र उप–प्रधानमन्त्री एवं स्वास्थ्य मन्त्री उपेन्द्र यादवको फोटो राखि गरिएको अमर्यादित कार्य प्रति हाम्रो ध्यान आकर्षित भएको जारी विज्ञप्तिमा उल्लेख छ ।
‘राष्ट्रिय एकता अभियानको उद्देश्य राष्ट्र, समुदाय, समाज र व्यक्तिहरुबीच एकता अर्थात जोडने न कि तोडने कार्यमा हाम्रो नेता र कार्यकर्ताको सँलगनता कहिं कतै छैन्’ विज्ञप्तिमा भनिएको छ ।
पुष्पकमल दहाल प्रचण्डको नेतृत्बमा १५ महिनाको अवधिमा ३ चोटि विश्वासको मत, १६ चोटि मन्त्रिमण्डलको पुनर्गठन र दोस्रो चोटि समिकरण अदलबदल गर्दा देश र जनताको लागि कदापी लाभदायक नभएको जनाउँदै व्यक्तिगत पदिय फाईदाको लागि चाईनिजको ईसारामा राता–रात समिकरण बदलेको यथार्थ कुराको शान्तिपुर्ण बिरोध गर्नु जनताको संविधान अनुसारको हक भएको समेत यादवले आरोप लगाएका छन् ।
संविधान सभाका सदस्य समेत रहेका यादवले ‘राष्ट्रिय एकता अभियान चिनियाँ विस्तारवाद, ईस्लामिक आतंकवादको बिरुद्ध एवम संघीय लोकतान्त्रिक हिन्दु गणतन्त्र को स्थापनार्थ संघर्षरत छन्’ विज्ञप्तिमा भनिएको छ ।
Discussion about this post