राजविराज । मधेश प्रदेशका प्रहरी प्रमुख प्रहरी नायव महानिरीक्षक (डीआइजी) यज्ञविनोद पोखरेलले सप्तरीसहित मधेश प्रदेशका जिल्लामा चोर आएको हल्लाबारे प्रहरीको ध्यान गएको बताएका छन् । उनी यसतर्फ प्रहरी गम्भीर भएर लागिपरेको बताए ।
हामीजस्तै भारतमा पनि यस्तै भेटिएको उल्लेख गर्दै डीआइजी पोखरेलले भने, ‘एक महिना अगाडि भारतमा राति १ बजे दुई जना युवा देखापरे । स्थानीयले लाठी प्रहार गरी मारे । पछि थाहा भयो । दुबै जना पिएचडी पढ्ने युवा रहेछन् ।’
उनले कतै यस्तो खालको घट्ना नहोस् भनेर प्रहरीलाई अलर्ट गराएको बताए । कुनै अपरिचित या शंकास्पद मान्छे भेटियो भने पक्रन र अन्यथा नगर्न निर्देशन दिइएको उनले बताए ।
उच्छृङख्ल कृयाकलापमा संलग्न भएकाहरुले यस्तो गरेको हुन् सक्ने भन्दै पोखरेलले विविध पक्षमा अनुसन्धान गरिरहेको बताए ।
‘चोर आयो… चोर आयो… हल्ला छ, तर कतै भएको छैन्’ उनले भने, ‘यो हल्ला के का लागि गरिदैंछ भन्नेमा हाम्रो ध्यान छ । हामी यसमा लागिपरेका छौं ।’
प्रहरीले यसबारेमा पत्ता लगाएरै छाड्ने बताउँदै उनले भने, ‘पत्ता लाउँदा कहिलकोहीं ढिलो हुन सक्छ । त्यसप्रति अन्यथा नलिनुहोला ।’
मधेश प्रदेशमा अत्यन्त प्रभावकारी रुपमा प्रहरी परिचालन गरेको बताउँदै उनले प्रहरीसँगै समाज पनि एक्टिभ हुनुपर्ने बताए ।
Discussion about this post