सिरहा। नेपाल नेत्र ज्योति संघ अन्तर्गतको सगरमाथा चौधरी आँखा अस्पतालको कान विभागमा कार्यरत डा. विजय चौधरीले बिरामीहरूसँग दुर्व्यवहार र ठगी गरेको आरोप लागे संगै आफ्नै मातहतका महिला कर्मचारीलाई दुर्व्यवहार हिंसाका कारण कार्यकक्षमै अचेत अवस्थामा उद्धार गरि मनो चिकित्सक सँग उपचार गराई रहेको छ | यस सम्बन्धमा अस्पताल प्रशासन प्रमुख अभिषेक रोशनलाई पटक पटक लिखित तथा मौखिक जानकारी गराउदा समेत समाधान गर्न न सकेको घटना सार्वजनिक भएको छ । श्रोतका अनुसार, डा. चौधरी मानसिक रूपमा अस्वस्थ तथा सनकी रहेकोले उनी बिरामीहरूसँग झगडा गर्ने र कर्मचारीहरूसँग पनि बेला-बेलामा विवादमा लाग्ने कर्मचारीलाई दुर्व्यवहार गर्ने गरेको छ।
यस सम्बन्धमा अस्पताल प्रशासनलाई जानकारी भए पनि अस्पतालमा डा. चौधरीको विकल्प फेला पार्न गाह्रो भएकोले उनलाई तत्काल निरन्तरता दिनु परेको बताउछन । अस्पताल प्रशासनले अर्को डाक्टर खोज्ने प्रक्रिया जारी रहेको बताएको छ।
स्थानीय चौधरी परिवारको सेवा भावले जग्गा दान तथा सहयोगले जर्मनी डा. हेनिगको सेवाभावले स्थापित सगरमाथा चौधरी आँखा अस्पताल, लहान नेपाल मात्र होइन देश बाहिर समेत ख्याती कमाएको अस्पताल पछिल्लो समय व्यवस्थापन र प्रशासनिक कमजोरीका कारण विवादमा तानिएको छ। अस्पतालको सुरुवाती उद्देश्य सर्वसाधारणलाई निःशुल्क तथा सुलभ उपचार सेवा प्रदान गर्नु थियो। तर, हाल आएर प्रशासन प्रमुख अभिषेक रोशनको आर्थिक अनियमितताको आरोप सार्वजनिक भएसँगै अस्पताल व्यवसायमुखी बन्दै गएको छ?
सर्वसाधारणलाई सेवा प्रदान गर्न चौधरी परिवारले दान दिएको जग्गा तथा जर्मनीका डा. हेनिगको सहयोगी भावना विपरीत अहिले अस्पताल विशिष्ट वर्गका लागि मात्र केन्द्रित हुन थालेको गुनासो बढेको छ। अस्पतालभित्रको प्रशासनिक कमजोरी तथा अनियमितता बारे एकजना कर्मचारीले प्रमाण सहित जानकारी दिएका छन्। उनका अनुसार, प्रशासन प्रमुख अभिषेक रोशनले ठूलो रकम हिनामिना गर्दै आएका छन्, जसले गर्दा अस्पतालको मूल उद्देश्य नै कमजोर बन्दै गएको छ।
यस घटनाले अस्पतालको प्रतिष्ठामा असर पारेको छ भने बिरामीहरूको सुरक्षा र उपचारको गुणस्तरमा पनि प्रश्न उठेको छ? बिरामीहरूले उचित उपचार र सम्मानजनक व्यवहार पाउने आशामा अस्पतालले छिटो समाधान गर्ने अपेक्षा गरिएको छ।
स्थानीयबासी तथा सेवाग्राहीहरूले प्रशासनिक सुधारको माग गर्दै अस्पताल व्यवस्थापनसँग स्पष्ट जवाफ चाहेका छन्। सम्बन्धित निकायले यसबारे छानबिन गर्दै आवश्यक कदम चाल्नुपर्ने माग समेत उठिरहेको छ।
Discussion about this post