काठमाडौं । शौर्य सिमेन्टले वृक्षारोपण कार्यक्रम सम्पन्न गरेको छ।
उद्योग परिसरभित्र उद्योगका कर्मचारीको र शौर्य सिमेन्टका विक्रेताहरूको सहभागीतामा शौर्य सिमेन्टले वृक्षारोपण कार्यक्रम सम्पन्न गरेको हो । शौर्य सिमेन्टले जेठ १३ गतेका दिन वृक्षारोपण कार्यक्रम सम्पन्न गरेको हो ।
आँप, लिची, अम्बा , कागती, नरिवलजस्ता विभिन्न प्रजातिका वृक्ष रोपिएको थियो । उक्त वृक्षारोपणमा प्रत्येक विक्रेता र कर्मचारीको नाम, बिरुवा रोपिएको मिति, बिरुवाको प्रजाति र जैविक नाम अङ्कित गरी नेमप्लेटलाई बिरुवासँगै राखिएको छ।
शौर्य सिमेन्टका ब्रान्ड म्यानेजर अनुज महतले वातावरण स्वच्छ राख्न र समाजप्रतिको दायित्व निभाउन कार्यक्रमको आयोजना गरिएको जानकारी दिए। उनले आगामी दिनमा पनि यस्तै खालका कार्यक्रम गर्ने बताए। शौर्य सिमेन्टका विक्रेता आरोग्य सप्लायर्सका राजन ढुङ्गेलले सर्य सिमेन्टले राम्रो कामको थालनी गरेको बताए।
