News of Nepal
Advertisement
  • अन्तराष्ट्रिय
  • अर्थतंत्र
  • राजनीति
  • खेलकुद
  • शिक्षा
  • स्वास्थ्य
  • जीवनशैली
  • साहित्य
  • अन्य
    • समाज
    • अपराध
    • सूचना-प्रविधि
    • देश समाचार
    • दुर्घटना
    • यातायात
    • कृषि
    • अन्तरवार्ता
Thursday - August 18, 2022
No Result
View All Result
  • अन्तराष्ट्रिय
  • अर्थतंत्र
  • राजनीति
  • खेलकुद
  • शिक्षा
  • स्वास्थ्य
  • जीवनशैली
  • साहित्य
  • अन्य
    • समाज
    • अपराध
    • सूचना-प्रविधि
    • देश समाचार
    • दुर्घटना
    • यातायात
    • कृषि
    • अन्तरवार्ता
No Result
View All Result
News of Nepal
No Result
View All Result

कांग्रेसमा गुटको राजनीतिका कारण टिकटमा मेरो नाम काटियो : ममता महतो [अन्तरवार्ता]


कांग्रेसमा गुटको राजनीतिका कारण टिकटमा मेरो नाम काटियो : ममता महतो [अन्तरवार्ता]

एक दशकदेखि नेपाली कांग्रेसको राजनीतिमा सक्रिय महोत्तरी बलवा नगरपालिका–१० की ममता महतोले यस पटक उपप्रमुखको टिकटको अपेक्षा राखेकी थिइन ।

तर पार्टी भित्रको राजनीतिक खेलले उनले पाउने पक्का भइसकेको टिकट अर्काेलाई दिइयो । राजनीति शास्त्रमा स्नातकोत्तर गरेकी महतो पार्टीमा युवालाई अवसर दिनुपर्नेमा पाखा लगाउने काम हुनु दुःखद भएको बताउँछिन । २०७४ सालको स्थानीय चुनावमा पनि उनी उपप्रमुखको प्रवल दावेदार थिइन । त्यसबेला पनि उनलाई टिकटबाट बञ्चित गरियो ।

पार्टीमा व्याप्त गुटबन्दीले आफ्नो टिकट गुमाएको दाबी गर्ने नेपाली कांग्रेसको जिल्ला सदस्यसमेत रहेकी महतोसँग राजनीतिकै सेरोफेरोमा रहेर पत्रकार मिलन दाहालले गरेको कुराकानीको सम्पादीत अंशः

राजनीतिमा कसरी आउनु भयो ?
म ७ कक्षासम्म गाउँकै विद्यालयमा अध्ययन गरें । विद्यालयमा पढ्दादेखि नै हाम्रो गाउँ समाजमा छोरीमाथि हुने हिंसा तथा दुव्र्यवाहारलाई नियाल्ने गरेको थिएँ । मैले कक्षा १० मा अध्ययन गर्दादेखि नै राजनीतिमा सक्रिय भएर लागेको हुँ ।
मधेसमा हुने महिलामा हिंसा अन्त्य गर्न र उनीहरूको आवाज वुलन्द गर्न म राजनीतिमा आएको हुँ । म राजनीतिमा सक्रिए भएर लागेको करिब एक दशकभन्दा बढी भइसकेको छ । अहिले म बलवा नगरपालिकाको भूगोल तर्फबाट जितेको कांग्रेसको जिल्ला सदस्य पनि हुँ ।

तपाईं जत्तिको प्रतिभाशाली र पढेलेको व्यक्ति स्थानीय चुनावमा उठ्नु भएन । पार्टीले टिकट नदिएको कि तपाईंले इच्छा नदेखाउनु भएको ?
मैले इच्छा गरेको पनि हो र मलाई पार्टीले टिकट पनि दिएको हो । तर अन्त्यमा टिकट अर्कैले पाउँनुभयो । मैले नै टिकट पाउँछु भनेर अग्रज व्यक्तिहरुले बधाईसमेत दिइसक्नु भएको थियो । तर अन्तिम चरणमा टिकट अर्कैलाई दिइयो । तर त्यसमा दुःख छैन । मैले नपाए पनि कांग्रेसकै साथीले पाउनुभएको छ । मैले मेरो तर्फबाट गर्न सक्ने सम्पूर्ण सहयोग उहाँलाई रहन्छ । उहाँको जित नै मेरो जित हो भनेर लागेको छु ।

पार्टीले तपाईंलाई टिकट नदिनुको कारण के हो ?
मैले टिकट नपाउने कारण त देख्दिनँ । टिकट पाउन म सक्षम छु जस्तो लाग्छ । म कांग्रेसको झण्डामुनी बसेर पार्टीलाई सहयोग गर्ने मान्छे हुँ । मलाई अहिले पनि कांग्रेसको निष्ठाले बचाएको छ । कांग्रेसप्रति मेरो सद्भाव छ । मैले टिकट नपाउनुमा जातिय विभेदिकरण र गुटले गर्दा हो कि जस्तो लाग्छ ।

पार्टीको यस्तो निर्णय आउँदा तपाईंलाई कस्तो लाग्यो ?
मैले सुनेअनुसार उम्मेदवारहरुको टिकट प्रदेशबाट जिल्ला सभापतिसम्म जाँदा टिकटमा मेरो नाम थियो । त्यसपछि मेयरको हातमा जाँदा टिकटमा मेरो नाम छैन भन्ने थाहा पाएँ । त्यतिबेला केही भावुक पनि भएँ ।

टिकटबाट नाम हटेको विषयमा जिल्लाको कांग्रेस नेतृ किरण यादव र क्षेत्रीय सभापतिलाई कुरा गर्दा उहाँहरुले मेयरलाई सोध्न आग्रह गर्नुभयो । कांग्रेसलाई मजबुत बनाउन मैले इमान्दार भएर काम गर्ने तर चुनावमा टिकट अर्कैले हात पार्ने अवस्था आउँदा दुःख लाग्यो ।

बेलवा नगरपालिकाको उपमेयरका लागि क–कसको नाम सिफारीस भएको थियो र तपाई छुट्नु भयो ?
नगरपालिका उपमेयरका लागि मेरो, उर्मिला ठाकुर, ऋणा साह र रामदुलाल ठाकुर गरी ४ जनाको नाम सिफारिस भएको थियो । पार्टीले उपमेयरको टिकट रामदुलाल ठाकुरलाई दिएको छ ।

कांग्रेसमा गुटको राजनीति मौलाएको हो ?
कांग्रेसमा गुटको राजनीति मौलाएका कारण मैले टिकट पाइँन । उपमेयरका लागि सिफारिस भएका चार जनामध्ये सबैभन्दा दाबेदार र टिकट पाउनुपर्ने मान्छे म हुँ ।

म नेविसंघ हुँदै मेहनत गरेर राजनीतिमा आएको व्यक्ति हुँ । तर टिकट दिँदा नेताले राजनीतिमा ल्याएका व्यक्तिले पाउनुले पनि कांग्रेसमा गुटगत राजनीति भइरहेको छ भन्ने स्पष्ट देखिन्छ ।

म मधेस जस्तो ठाउँमा रातदिन नभनी पुरूषहरुसँग हातमा हात मिलाएर काम गर्ने व्यक्ति हुँ । त्यो हैसियतले पनि मैले टिकट पाउनुपर्ने हो । तर नेताहरुलाई के लाग्यो र मलाई टिकट दिनुभएन त्यो उहाँहरुलाई सोध्नुपर्छ । समय मिलेर भेटेको बेला सोध्छु ।
काम गरेको आधारमा कसैले टिकट पाउँछ भने बलवा नगरपालिकाको उपमेयरको पहिलो दाबेदार म हुँ । मैले अरु चुनावमा सहयोग गरेकै नेताहरुले नगरपालिका उम्मेदवारहरूको टुंगो लगाउने भएकाले मैले टिकट पाउँछु भन्नेमा म ढुक्क थिए । तर गुटगत राजनीतिकले गर्दा टिकट भने पाउँन सकिन ।

आफूले टिकट नपाएका कारण कांग्रेसमा गुटको राजनीति बढेको त भन्नु भएको हैन नि ?
त्यस्तो हैन । यसअघि जिल्लाको चुनाव हुँदा र जिल्ला सदस्यका लागि उम्मेदवारी दिँदा पनि मसँगै बलवा नगरपालिकामा काम गर्ने कार्यालय सहयोगीले उम्मदेवारी दिनु भएको थियो ।

म निर्विरोध हुने मान्छेलाई नेताहरुले आफ्नो मान्छे ल्याएर उम्मेदवारी दिन लगाए । कांग्रेसको १४ औँ महाधिवेशन प्रतिनिधिमा पनि मेरो नाम काटियो ।

महिलाको लागि ८ वटा कोटा भएपनि मेरो नाम किन काटियो ? म लामो समयदेखि राजनीति गरेकोले टिकट पाउँदिन तर राजनीतिमा भर्खर आएको कुनै व्यक्तिले टिकट पाउँछ भने त्यहाँ गुटबन्दी भएको छैन भनेर कसरी भन्न सकिन्छ ?

पार्टीले दिएको जिम्मेवारी इमान्दारी साथ पुरा गरेको छु । अहिलेसम्म जिम्मेवारी दिइएको कुनै पनि काम गर्दिनँ, सक्दिनँ नभनेको व्यक्तिलाई चुनावमा भेदभाव गरिन्छ भने त्यहाँ गुटगत राजनीति भएको छैन भनेर कसरी भन्न सकिन्छ ? म दुर्घटनामा परेर गम्भिर घाइते हुँदा पनि ६ महिनामा ठिक भएर पार्टीको काममा लागेको मान्छे हुँ ।

बागी उम्मेदवारी दिउँ जस्तो लागेन ?
पार्टीका अग्रज नेताहरूको सल्लाह बमोजिम मैले बागी उम्मेदवारी नदिएको हुँ । पार्टीका महामन्त्री विश्वप्रकाश शर्माले फोन गरेर बागी उम्मेदवारी नदिनु, पार्टीले गरेको निर्णयलाई मान्नु, कांग्रेसकै साथी उम्मेदवार बन्नु भएको छ उहाँलाई सहयोग गर्नुपर्छ भनेपछि मैले बागी उम्मेदवारी नदिएको हुँ । मैले टिकट नपाएपनि कांग्रेसबाट टिकट पाएका साथीलाई सहयोग गर्छु ।

मधेशमा छोरीहरुले उच्च शिक्षा पढ्ने मौका पाउँदैनन भन्ने गरिन्छ । तपाईंले उच्च शिक्षासँगै सक्रिय राजनीतिमा सहभागी हुन पाउनु भयो । कसरी ?
मेरो बुवा शिक्षित हुनुहुन्छ । उहाँले कक्षा १२ सम्म अध्ययन गर्नु भएको छ । बुवा शिक्षित भएका कारण छोरो–छोरीलाई पढाउनुपर्छ भन्ने चेतना उहाँमा भएकाले मैले पढ्ने अवसर पाएको हुँ । गाउँ समाजले मेरो १२ वर्षको उमेरमै विवाह गराउन दवाब पनि दिएका थिए । तर बुबाले त्यसलाई वेवास्ता गर्दै हामीलाई पढाउनु भयो । पढेपछि छोरा–छोरीले जुनसुकै ठाउँमा गएर पनि आफ्नो जीवन निर्वाह गर्न सक्छन् भन्ने सोच बुबामा रहेकाले हामीले पढ्ने मौका पाएका हौँ । पढ्दै गर्दा नै मलाई राजनीतिमा इच्छा जाग्यो र म राजनीतिमा लागे । मेरो राजनीतिक यात्रा सुरु भएको करिब एक दशक भयो ।

विमलेन्द्र निधि, प्रकाशमान सिंह, शशांक कोइराला जस्ता अग्रज राजनीतिज्ञहरूले अध्ययनसँगै राजनीतिलाई अघि बढाउन प्रोत्साहन दिएका कारण राजनीति गर्ने मेरो इच्छा अझ बढेर आएको हो ।

मधेशमा छोरीहरु, महिलाहरुको अवस्था कस्तो देख्नुभएको छ ?
मधेसमा धनीका छोरा–छोरीहरुमा खासै विभेद थिएन । उनीहरू सबै विद्यालय जान्थे तर गरिब परिवारका छोरा–छोरीहरूमा धेरै विभेद थियो र अहिले पनि छ ।

तर देशमा संघीयता लागू भएपछि छोरीहरूलाई पनि पढाउनुपर्छ भन्ने सोचको विकास भएको छ । सरकारले महिलाहरूका लागि विभिन्न क्षेत्रमा कोटा छुट्टाएपछि अभिभावकहरूमा पनि छोरीहरूलाई पढाउनुपर्छ भन्ने चेतनामा वृद्धि विकास भएको छ । छोरीहरूलाई पनि राजनीति गर्न दिनुपर्छ भन्ने सोचको पनि विकास भएको छ । पहिलेको तुलनामा मधेसमा अहिले हरेक कुरामा निकै परिवर्तन भएको छ ।

छोरा–छोरीलाई शिक्षा दिएन भने उनीहरुको जीवन अन्धकार बन्छ भन्ने सोचको विकास भएको छ ।  अहिले मधेसका छोरीहरू डाक्टर, इन्जिनीयर, मन्त्री बनेका छन् ।

अब तपाई आफ्नो राजनीतिलाई कसरी अघि बढाउनुहुन्छ ?
२०७४ सालको स्थानीय निर्वाचनमा पनि बलवा नगरपालिकाको उपमेयरको आकांक्षी थिएँ । त्यतिबेला पनि मलाई टिकट दिइएन र अहिले पनि अर्कैलाई दिइयो । तर यो कुराले मलाई निराश भने बनाएको छैन् । कांग्रेसकै नेताले उपमेयरको टिकट पाएकोमा खुशी नै छु । कांग्रेसका जो सुकै नेताले टिकट पाएपनि उहाँलाई हामीले जिताउन सक्नुपर्छ । टिकट नपाएका कुराले मेरो राजनीतिलाई रोक्दैन भोलिका दिनहरूमा पनि म राजनीतिमा सक्रिय नै रहन्छु । राजनीतिमा आउन मैले घर र समाजबाट धेरै विद्रोह गरेको छु । पुरूषहरुसँग बाहिर खुला हिड्न नदिने समाजबाट आएको व्यक्ती हुँ त्यसलाई यतिकै खेर जान दिन्न ।

महिलाले राजनीति गर्नुहुन्न भन्ने सोचलाई भत्काएर राजनीतिमा आएकाले अहिले गाउँमा जाँदा गर्व महशुस हुन्छ । गाउँ समाजले पनि मलाई सम्मानको दृष्टिकोणले हेर्छ । कुनै न कुनै दिन मेरो कामको मुल्यांकन हुनेछ र पार्टीले मलाई मेहनत गरेकै आधार टिकट दिनेछ भन्नेमा पनि विश्वस्त छु ।

नेपाली कांग्रेस डमोक्रेटीक पार्टी भएकाले हामी जस्ता महिला र अन्य जात धर्मका मान्छेहरुलाई पनि मिलाएर लग्छ भन्ने मेरो विश्वास हो ।

वि.स २०७४ को स्थानीय निर्वाचनमा पनि तपाई बलवा नगरपालिकाको उपमेयरको आकांक्षी हुनुहुन्थ्यो । त्यतिबेला चाँही किन टिकट पाउनु भएन ?
त्यसबेला विमलेन्द्र निधि, किरण यादावलगायत अग्रज नेताहरुले छोड्न आग्रह गरेकाले मैले उपमेयरको आकांक्षीबाट पछि हटेको थिएँ । त्यतिबेला पनि कांग्रेसका उम्मेदवारलाई जिताउन म दिन रात एक गरेर लागेको थिएँ । म कांग्रेसप्रति निष्ठावान छु र कांग्रेसलाई जिताउन हरप्रयास गर्छु । काम गर्ने र पार्टीका लागि खटिने व्यक्तिले चुनावमा टिकट पाउनुपर्छ भन्ने मेरो भनाइ हो । तर त्यस्तो भएको म देख्दिनँ । ममा केही कमजोरी भएर पो मैले टिकट नपाएको हुँ कि जस्तो पनि लाग्छ । आफूमा सुधार गर्नुपर्ने कुराहरु सुधार गर्छु ।

कांग्रेस पार्टी र आफूलाई मजबुत गराउन मेरो प्रयास निरन्तर रहन्छ । यसपटक मैले टिकट पाउनुपथ्र्याे तर पाइन अब टिकट पाइन भनेर निराश हुँदिन । पार्टीको काममा निरन्तर लाग्छु ।

पूर्वसांसद् एवम् कांग्रेसको पूर्वकेन्द्रीय सदस्य किरण यादव र तपाईबीच मनमुटाव भएकै कारण तपाईले टिकट नपाउनु भएको भन्ने कुरा सत्य हो ?

म किरण दिदीको कार्यकता हुँ । उहाँलाई जिताउन मैले विभिन्न समयमा धेरै मेहनत गरेको छु । उहाँलाई अहिले पनि म सम्मान गर्छु । उहाँ हाम्रो सम्माननीय नेता हो । तर उहाँकै कारण टिकट नपाउँदा केही दुःख भने पक्कै लागेको छ ।

नेताहरूले गरेको निर्णयलाई मैले सम्मान गर्नुपर्छ । मलाई टिकट नदिनुमा केही कारण पनि हुनसक्छ । ममा धैर्यता छ भनेर पनि उहाँले मलाई टिकट नदिएको हुनसक्छ । किरण दिदी र मबीच कुनै मनमुटाव छैन् ।

उहाँले मलाई माया गर्नुहुन्छ म उहाँलाई समम्मान गर्छु । मेरो मनमा लागेको कुरा अगाडि नै भन्ने मेरो बानी छ ।

Related

Tags: # अन्तरवार्ता
दैनिक संजाल

दैनिक संजाल

Related Posts

ठूलो आकारको बजेट मुलुकले धान्दैन

ठूलो आकारको बजेट मुलुकले धान्दैन

राप्ती नदीमा सुरु भयो जलयात्रा

राप्ती नदीमा सुरु भयो जलयात्रा

त्रिभुवन अन्तर्राष्ट्रिय विमानस्थलका हवाई उडान प्रभावित

त्रिभुवन अन्तर्राष्ट्रिय विमानस्थलका हवाई उडान प्रभावित

मिथिलाका मतदाताहरु मलाई भोट हाल्न उत्सुक छन् : रामकुमार महतो [अन्तरवार्ता]

मिथिलाका मतदाताहरु मलाई भोट हाल्न उत्सुक छन् : रामकुमार महतो [अन्तरवार्ता]

Leave Comment

हालको खबर

बैंकिङ्ग कसुर मुद्दामा ४२ लाख जरिवाना तोकिएका निरज बुढाथोकी पक्राउ

बैंकिङ्ग कसुर मुद्दामा ४२ लाख जरिवाना तोकिएका निरज बुढाथोकी पक्राउ

ओलीको चुनौती : मेरो २० अर्ब सम्पति कहाँ छ ? पत्ता लगाउनेलाई शतप्रतिशत दिन्छु

ओलीको चुनौती : मेरो २० अर्ब सम्पति कहाँ छ ? पत्ता लगाउनेलाई शतप्रतिशत दिन्छु

सामाजिक सञ्जाल ट्विटरमा सरकारको विरोध गरेको आरोपमा ३४ वर्ष जेल

सामाजिक सञ्जाल ट्विटरमा सरकारको विरोध गरेको आरोपमा ३४ वर्ष जेल

सशस्त्र प्रहरीसमेत परिचालन गरेर बञ्चरेडाँडामा फाल्न थालियो फोहोर, एक जना पक्राउ

सशस्त्र प्रहरीसमेत परिचालन गरेर बञ्चरेडाँडामा फाल्न थालियो फोहोर, एक जना पक्राउ

३८ वर्षपछि मृत भारतीय सैनिकको शव फेला

३८ वर्षपछि मृत भारतीय सैनिकको शव फेला

गठबन्धन देशद्रोही हो,अध्यक्ष ओली

गठबन्धन देशद्रोही हो,अध्यक्ष ओली

कुनै पनि सञ्चारमाध्यममा हाम्रा समाचार वा अन्य सामग्रीको प्रयोग गर्नु अघि अनिवार्य रुपमा अनुमति लिनुपर्नेछ । अन्यथा प्रतिलिपी अधिकार ऐन २०५९ अनुसार कानूनी कार्वाही हुने जानकारी गराईन्छ ।

हाम्रो टिम

अध्यक्ष/प्रबन्ध निर्देशक – संजिव बिक्रम साह
समपादक – मिथलेश कुमार साह
सह संयोजक – राम शंकर भण्डारी
कार्यकारी निर्देशक – विजय कुमार सिंह

सूचना तथा विभाग दर्ता नं.

  • Total visitors : 1,168
  • Total page views: 1,410

कार्यालय सम्पर्क

चाबहिल काठमाडौँ
Dainik Sanjal Media Pvt. Ltd.

शाखा कार्यालय

गोलबजार नगरपालिका – ४
Tel. +९७७ – ३३-५४०४९१

विज्ञापनका लागी सम्पर्क

Email – dainiksanjal9@gmail.com
Mob +९७७,९८११७६१२१८
Mob +९७७,९८४७३४४१४४ 

सामाजिक संजालमा हामी

Facebook Twitter
  • Privacy Policy

© २०७८-२०७९ दैनिक संजाल - All rights reserved to dainiksanjal.com / design & developed by Nitra Host.

No Result
View All Result
  • अन्तराष्ट्रिय
  • अर्थतंत्र
  • राजनीति
  • खेलकुद
  • शिक्षा
  • स्वास्थ्य
  • जीवनशैली
  • साहित्य
  • अन्य
    • समाज
    • अपराध
    • सूचना-प्रविधि
    • देश समाचार
    • दुर्घटना
    • यातायात
    • कृषि
    • अन्तरवार्ता

© २०७८-२०७९ दैनिक संजाल - All rights reserved to dainiksanjal.com / design & developed by Nitra Host.